أخدت عليك

أخدت عليك
مرسوم على شط العشق عينيك

وبنفس الخط أخدت عليك

عمرك راسم فيه نتقاسم

وساعات حندوب أو نتخاصم

فى عينيك الليل مش متحمِّل

نرجع ونعيد ولا نكمل

بحرنا مش حر مركبه ع البر

والموج بيهيج أكتر وأكتر

وياك فيه حاجات نفسى أدوقها

نحكى حكايات ونصدَّقها

مش دمعنا ده ما تقولشى كده

دا مجرد بس بواقى ندا

ساعة ما تعوز نبدأ أيام

مش وقت سكوت ولا وقت كلام

عمرك مال لى يحضن ضلى

واحكى له الصدق إللى فاضل لى .

.....................................

نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2011/09/06/236822.html