الشباك

الشبّاك
إيه إللى خلاّكى طلّه فى شباكى

إيه اللى خلانى أستنّى وياكى

أسقيكى بالأحلام وتطرحيلى كلام

تحكيلى فرح وبيت أعرف ليلاتى أنام

طرحك جناين صبح منك ومش ليكى

عطشان لنسمة صيف وعينيكى بصولى

تخطّى ... قلبى رصيف تبقى خلاص طولى

لومى عليّه كمان واملى السما بيّه

قبل الأوان بزمان حكايتنا منسيه

يحكيلك الشارع ويفكرك بيكى ...

****

كل اللى أنا قلته ولسه مش عارفك

وصمتى سكَّته خايف عليه منك

عمرى اللى جننى ضاع فى الهوا منى

ولا حاقدر استنى ولا قادره تستنى

تدبل غناويه وتغمضى عينيكى .

ــــــــــــــــــــــــــــــــــ

http://pulpit.alwatanvoice.com/articles/2010/11/13/214170.html