شمس قمر

شمس قمر

فرشت ورد ونور مكانى

وزواق أغانى ...

ودوشه صبح وليل ... عشان روحى

تقبل ترد ف جسمى تانى

.......

رصيت بلاط البيت حاجات

وكل أوراقى القديمة ... والفُرش ...

والتبلوهات ...

وحروف وقلب ... مرسوم بينات صور البنات

وفردت بسمة عمر لما تشوفنى ... نعرفنى

.........

وكتبت ع الحيط إن انا ... محتاج لروحى ...

وأنا اللى جيت المح بقيت رقص الشجر

وافتح ببان السحر ...

للعصافير ... تغنيلك سفر

واللى اتحكالى عن الربيع ...

صدقته لما بدأت أقوله ।

وأنا اللى فعلا ...

تعبت روحى ...

وما كنش داعى لإنى أغرّق ...

من حلاوة شفطتين ... ضى القمر

وكتبت إسمى ...

وإنى رتحت روحى منى

وفرشت ورد ونور مكانى

وزواق أغانى ...

ودوشه صبح وليل ... عشان روحى

يمكن ... ترد ف جسمى تانى ...

ـــــــــــــــــــــــــــــــ

* نُشرت هذه القصيدة فى موقع دنيا الرأى رابط http://pulpit.alwatanvoice.com/articles/2010/11/23/214782.html