برافو عليك

برافو عليك

طب والله برافوا عليك

إن الحلوه دهيّه عينيك

خلّت لى عينيه ماليها

غير بس تبص عليك

أنا أقدر امثل جايز

وساعات اكدب ... لو عايز

إنما لو عينى ف عينك

إزاى انا أخبّى عليك

ده انت غليت قوى قوى عندى

ما بقولش كلام من عندى

أهو ده اللى باحسّه فى قلبى

وانا حاضحك يعنى عليك

ده انا بهرب م الحكايات

واهرب من روحى ساعات

ألاقيك باين فى عينيه

أتارينى أنا بحلم بيك

كل ده وعينيك بتدارى

وعامل روحك مش دارى

لو كان ممكن والله

توصفلى إزاى الاقيك .

http://pulpit.alwatanvoice.com/articles/2012/05/31/262237.html