أنشأ هذا الموقع ويحرره الكاتب الأديب مجدى شلبى 0108784120
الشاعر حسام العقدة يرحب بكم فى موقعه الجديد *** ترقبوا الديوان الجديد للشاعر المبدع حسام العقدة : ديوان (البصمات) والذى سيصدر ضمن قريباً

31‏/10‏/2010

مش هاتقوليلى

مش هتقوليلى

مش هتقوليلى تبقى مين

مش هتقوليلى ... إنتى مين

الصوت ده متهيألى عارفُه

الضحكه دى قابلتنى فين

ما تفكرينى حكايتك ايه

أو توصفيلى شكلك ايه

كانت عنيكى لونها إيه

وإيه ساعتها شغلنا بيه

وكنت عارفك من زمان

وعرفتى عنى كتير كمان

وكنا أكتر من حبايب

وأياميها بعدتى ليه

وكنت اشوفك كل يوم

والنوم ما كنش بيبقى نوم

وكل حلم يصحى عينى

اجيلك احكيلك عليه

وإيه يفرق ف الحبايب

ومين حيبقى حبيبه غايب

ويرضى يتحمل غيابه

ويرضى يفضل بللى بيه

وتغيبى كل الوقت ده

وجايه بسهوله كده

بعد اللى خدتيه م السنين

عيزانى أعرف ... تبقى مين .

http://pulpit.alwatanvoice.com/articles/2012/06/01/262315.html