لعبة

لعبه

بطل تتنطط

عمرى ما هارضى أجيبلك حاجه

طول ما هتفضل بتعيط

ها تخلينى ما عدتش أخدك تانى معايا

إيه ده ...

ليه مش عايز تهدى ...

ها تلم علينا الناس

مش كنت فهمت خلاص

وتأسفت ...

وترجع تعمل نفس الغلطه وتشبط تانى

وعايزنى أجيب لك من ده ومن ده

واللى باقوله باعيده

بص ...

ها زعل منك بعدين ...

طب بس لإمتى ها نفضل واقفين احنا الاتنين

إفهمنى ... ليه مش فاهم

ما تصرخش ... ما تعيطش ما تتنططش

واسكت علشان نتفاهم

وابعد إيدك من على عينك

شفت بقى ...

صوتك من كتر عياطك ... هيروح

ليه مش عايز تسمعنى ...

يعنى كإنى بكلم روحى ...

ـــــــــــــــــــــــــــــــ

* نُشرت هذه القصيدة فى موقع دنيا الرأى رابط http://pulpit.alwatanvoice.com/content/print/214868.html