عقود الخروع

عقـــود الخـــروع

باعرف اشبك حب خروع ... فى النجوم

واكتب قصايد شعر فوق ورق العنب

للبياعات

واسرق دهب شجر الجوافة

قبل الأوان

وساعات

افرد فى رمل الشط بإديه ...

كتير ... خبيت قصور م الرمل تحت الرمل

من عين عيال جمصه البلد

واسهر ... أبعزق فى الودع

واحدف بعزم ما فيَّه فى الميه

وألف جنيَّه

والشط عارف سكتى لحد اللسان

علشان أسلِك من شباك الصيادين الضيقة

لون الشروق

وارجع مدارى الفرح

من تخطيف عنين سمان شطوط الصبح

والبحر يحدف موجه

موجه تبوس فى ضلة خطوتى

من قبل كل الناس ما تصحى

وتخلى صوت البحر يغرق

من لخبطة تمويج صفار الرمل تانى

ويهرَّبوا كل الكلام

من وشوشتهم

.....................................

http://pulpit.alwatanvoice.com/articles/2010/11/10/213930.html