عربيات الدرة

عربيــات الــدره

كل الحوارى الضلمة بتجبنى ....

مشرشبه الحكايات يوماتى بتترعش

من عينى ع البتارين

ميت عين ... بتجلدنى ف جروح الروح

عريانه جوايا الخطايا بتنتحر

من وحشة العمر

إللى باقى فى زحمة النور البعيد

كل الحوارى الضلمة بتجيبنى ...

وتموتى من دوشة

خطاوى البسمة فى سكوتى

ونفس بُعد عنيكى فى عنيكى

وازاى ... شروخ الحيط ما بتبانش

اشمعنى انا ...

بارجع لنفس البياعين

واتجن من ريحة الدره

كل اللى مسروق من جنونك

باين فى عينهم

ولو شتمتى سفالة النظرات

ولو سمحتى لخطوتك تنزل ...

تفرش على الأسفلت ضحكك

لآخر السكه الجديده

متلونه الأنوار شفايف غيرانين

مش بس من ريحة العرق

وسيبينى لعينيهم ...

تعيد نفس الكلام

وبصى ع البتارين

............................................

http://pulpit.alwatanvoice.com/articles/2010/11/10/213878.html